Kesel Keliwat, Mati Nang Galengan

LUMBIR-Menungsa urip kuwe pancen kudu ngodhe utawane pahal go nyukupi butuh, bener

ora sedulur? Tapi ya gole ngode aja ngangsa, nek wis kesel ya mandhed, aja depeksa, nek ora

kedadeyane bakalan kaya kaki Sukarjo (70) kiye, sing umaeh nang Dukuh Karang Miri, Desa

Jambu Kecamatan Wangon Banyumas.

Dadi kaya kiye critane. Si kaki Sukarjo kiye ya kaya wong tani lumraeh, mben dinane ya

gaweane ming sawah, ya tandur utawane mupuk pari nang sawaeh. Tapi dina Kemis tanggal 17

Mei wingi, kayane ya pancen wis dadi takdire nek arep depundhut ning Gusti Allah.

Dina kuwe, antarane jam pitu isuk, kaki Sukarjo kuwe pamitan maring kluargane arep ming

sawah nggo mupuk pari. Kluargane ya kayane ora nana sing derasa nek si kaki bakalan ora bali

maning, wong ya anu wis biasa ming sawah dhewekan.

Lha, antarane jam sewelas awan, si Darsun, sing padha-padaha agi nang sawah ko weruh si kaki

Sukarjo kiye agi njagong nang galengan bangeting ndhiker, ora obah ora polah. Lha si Darsun

banjur mereki kaki Sukarjo. Mbarang dematakaen, ko kayane ora nana ambegane.

Saking keweden, si Darsun banjur nyeluki kancane, Heru karo Suparno, sing ngepasi agi

bareng-bareng ning sawah. Mbarang wis dedeleng pancen ora nana ambegane, banjur mayide

kaki Sukarjo kiye degawa maring Puskesmas Lumbir bareng karo Kapolsek Lumbir sing teka

sawise delapuri kedadeyan kuwe.

Sekang kasile Puskesmas, si Kaki Sukarjo kiye jebule konangan mati ndadak gara-gara kesel

keliwat, apamaning pancenm ya wis tuwa, sing kudune ora ngangsa gole ngodhe. Mbarang wis

depastekaken matine kaki Sukarjo merga kekeselen, banjur mayide debalekaken ming

kluargane nggo dekubur.

Kuwe dadi pengalaman sedulur, ngodhe ya ngodhe, ming aja ngangsa, kudu teyeng ngukur

awake dhewek. Nek wis krasa kesel ya ngaso, aja depeksa. Aja ngasi kedadeyane kaya sing

dealami ning Kaki Sukarjo kiye. Sing penting awak sehat, bregas, dadi teyeng ngodhe nggo

nguripi kluarga. (eww)

Easy Way to Download