Detinggal Kondangan, Umah Geseng Kobaran

BANYUMAS-Kiye ana maning crita bab umah sing kobaran sedulur. Sing mandan marakaken melas lan ora memper, kiye umah malah geseng kobaran pas agi detinggal kondangan. Wis, mbuh kepriwe rasane sing duwe umah, tapi ya wong wis geseng arep kepriwe maning. Mulane bola-bali diemutaken, sing padha ngati-ati nek arep ninggal umah suwung nggamplung, aja ngasi ngalami kedadeyan kaya sing siji kiye.

Dadi ana umah duweke Casim, umure patangpuluh taun, neng RT 3 RW 1 Desa Tumiyang Kecamatan Pekuncen, Banyumas. Lha dina Kemis (13/9) wingenane, antarane jam setengah sewelas awan, kuwe umah kobaran ngasi geseng. Pas jam semeno, si Casim ya agi ngodhe neng sekolahan SDN 1 Tumiyang, lha bojone sing jenengane Suci, agi kondangan ming nggone tanggane.

Umah kuwe ya detinggal suwung nggamplung. Lha, ndilalah pas kuwe ana tanggane Casim sing kebeneran ya luraeh dhewek sing jenengane Driyanti, meruhi kedadeyan kuwe. Driyanti kuwe weruh umah sing agi detinggal suwung nggamplung ko ijig-ijig ana genine mulad-mulad gedhe pisan.

"Pas kuwe ya umah agi suwung nggamplung, dadi sing meruhi ya tanggane. Gageyan baen wong sing weruh kobaran kuwe langsung padha nyaut ember lan apa baen sekecekele, sing penting teyeng mateni kobaran. Untung baen ora ngasi entong kabeh, tapi ya bandhane ana sing melu kobaran,” ujare Driyanti.

Bubar kobaran teyeng depateni, rombongan sekang Muspika Pekuncen nekani panggonan kuwe. Nek sekang kasil priksaan, konangan nek kobaran kuwe teyeng kedadeyan merga konslet. "Untung baen pas kobaran langka wong neng njero ngumah, ya nek bandha kobaran ya teyeng degolet maning, tapine nek nyawa mbok angel?” ujare Kasi Trantibum Kecamatan Pekuncen sing jenengane Marsono. 

Wis, barang wis konangan apa sing marakaken kobaran, Marsono ya aweh pesen ming wong kono, utamane sing ana neng Kecamatan Pekuncen kon padha ngati-ati nek arep ninggal umah suwung nggamplung. Masalaeh, kobaran teyeng kedadeyan merga konslet, utawane sekang pawon sing urung mati wis detinggal lunga.

"Wis, pokoke kabehan kudu luwih ngati-ati nek arep ninggal umah sueung nggamplung. Kiye wis mulai mangsane ketiga, mesthi panas pisan lan luwih gampang marakaken kobaran. Aja gemampang nek arep ninggal umah, depriksa maning, wis padha mati urung pawone, lan uga aja ninggal kabel utawane jek temancep neng colokan, mbok teyeng konslet,” ujare Marsono.

Sedulur, kuwe muga-muga dadi pungkasane crita bab kobaran. Aja ngasi ana maning kedadeyan kaya kuwe mung merga padha gemampang. Ya esih sukur langka wong neng njero umah pas kobaram, tapi tetep baen merga kobaran kiye si Casim nandhang rugi ngasi pitung juta, mbok melasi, bali kondangan malah kelangan umah ? (eww)

Easy Way to Download

Nggawa Bocah Nyabrang Dalan, Detubruk Montor

WANGON-Kiye crita kanggo ibu-ibu sing padha duwe bocah cilik. Nek agi padha

metu ngumah nggawa bocah kuwe kudu luwih ati-ati, soale neng dalan kuwe nggone

rame, gampang pisan kenang cilaka neng dalan. Sing jenengane bocah kan cokan ora

slirik lan urung paham, dadi ya wong tuwane sing kudu luwih waspada.

Nah, kiye kedadeyan cilaka sing anane neng Jalan Raya Wangon, persise neng ngarepe

SDN 4 Wangon, pas dina Rebo (12/9) wingenane, antarane jam setengah sepuluh

awan. Ana wong wadon jenengane Supriyati, umure seket taun sing umaeh neng

Dusun Adilingga RT 4 RW 17 Desa Wangon Kecamatan Wangon Banyumas. Dina

kuwe, si Supriyati kiye niat metu ngumah, lan ngejaki bocah cilik loro.

Bocah loro kuwe ya pancen esih cilik pisan, sing tuwa jenengane Kiki, umure pitung

taun, bareng kambi adhine sing jenengane Aria sing nembe limang taun. Nah, wong

telu kiye niate ya arep nyabrang dalan, si bocah ya degandheng. Tapi ya wong

jenengane cilaka, ora bakal konangan kapan lan kepriwe gole kedadeyan.

Kiye wong telu agi neng tengah dalan, ijig-ijig sekang kulon, ana montor plat nomere R

4660 NP sing detumpaki Cahyo Kuncoro, sing umaeh neng Desa Karangreja RT 1

RW 8 Cimanggu, Kabupaten Cilacap. Si Cahyo kuwe kiye ya jane gole numpak

montor ora banter, tapine mandan ndelenger mbok, soale pas gutul kono jan ora

ngerti nek ana wong telu agi nyabrang.

Wis, langsung baen kuwe wong telu pating kruntel ketabrak montor. Si Cahyo sing

numpak montor si ora kenang apa-apa, mung lecet thok, tapi wong telu sing ketabrak

kuwe ya padha rakrak awake. Si Supriyati sing paling tuwa bathuke suwek, lambene

jontor. Lha si Kiki anu mandan parah, soale sikile tugel lan wetenge tatu. Nek si Aria

sing paling cilik sirahe sing abuh.

Wis, langsung baen wong sing padha meruhi kedadeyan kuwe nulungi lan kiye wong

telu gageyan degawa maring RSUD Margono Purwokerto. Nek si Cahyo ya degawa

ming pos lantas Wangon. Nek ujare Kanit Lantas Polres Banyumas Iptu Ruzi

Gusman, kiye gara-garane si Cahyo gole numpak montor ndlenger, dadi ora sadar nek

ana wong nyabrang.

Untung baen kiye wong telu sing ketubruk mung padha rakrak lan ora ngasi mati. Tapi kepriwe-kepriwe wong sing dadi korban bocah cilik, ya kayane melasi pisan, mbok? Kuwe, kena nggo pengalaman sedulur kabeh, nek metu ngumah nggawa bocah cilik kudu luwih ngati-ati. Sing padha numpak montor ya aja ndlenger. Nek kedadeyan kaya kiye dealami sedulur mbok ora memper pisan dadine? (eww)

Easy Way to Download

Detinggal Ngajar, Tas Ilang Degondhol Gentho

KEDUNGBANTENG-Guru, pancen gaweane ngajar, lan mesthine ya aweh ilmu

maring wong akeh kon padha tambah pinter. Mulane nek neng pelajaran bahasa

Indonesia kuwe ana omongan "Guru adalaha Pahlawan Tanpa Tanda Jasa", bener ora

sedulur. Nek pahlawan kuwe esih baen dekuya-kuya ko kayane melasi pisan lan ora

memper, bener apa ora?

Nah, kiye critane ana guru loro, agi ngajar muride, tapine bubar ngajar malah gregah

bingungpisan merga tas sing decanthelaken nengkursi malah wis ilang degondhol

gentho, mbok melasi pisan? Ana baen wong sing tega nyilakani guru sing jan uri[e

baen kadhang pas-pasan, wisa, moga-moga cepet kedhimek kuwe malinge, kon

mandan kawus.

Kedadeyan kiye anane neng MA Al Ikhsan Desa Beji Kecamatan Kedungbanteng

Banyumas pas dina Selasa (11/9) wingenane. Ana guru loro sing jenengane

Mutimatuszakiyah (23), kambi Feri Sulistianingrum (24), sing padha-padha wong

Kedungbanteng baen.

Dina kuwe, kaya biasane ya pas gutul sekolahan antarane jam pituan esuk, kuwe guru

loro ya kaya biasa, langsung mlen=bung kelas, lan ngajar. Wong jenengane wong

ngajar ya ora mawi nggawa tas, dadi tase decanthelaken neng kursi sing ana neng ruang

guru. Nah, barang rampung ngajar anatarane jam setengah sanga esuk, kuwe guru loro

ya bali maring ruang guru agep ngaso.

Tapine, pas mbalik maring ruang guru, lorone njjengirat kaget ora eram, merga

meruhi tas sing padha-padha decanthelaken neng kursi ko wis ora nana aliase ilang.

Pas takon maring guru liyane ya padha gedheg kabeh, langka sing weruh, apamaning

ngerti kedadeyan kuwe.

Tapine ana bocah neng kelas liyane sing pas banget kelase ana neng ngarep ruang guru

crita, nek pas guru loro kuwe ngajar, ana wongloro sing mlebung maring ruang guru

nggawa tas gedhe lan dekalungaken neng gulu. Wong loro kuwe nek ujare si bocah ya

ora suwe neng njero, mung limang menitan, tapine metune wis nggawa tas.

Nek ujare si bocah sing weruh kuwe, wong loro kuwe siji lemu, rambute pendhek,

nganggo jaket ireng sing lengene ana werna oren, nganggo sepatu lan dhuwure ya ana

160 senti. Sing sijine kuru, rambute ya padha baen pendhek, nganggo jaket ireng,

sepatuan lan dhuwure ana 165 sentian.

Tapine, wong pas weruh kuwe si bocah ya ora slirik banget, ya tetep baen ilang.

Akhire kedadeyan kiye delapuraken maring Polsek Kedungbanteng. Nek ujare

Kapolsek Kedungbanteng, AKP Suparno EW, kedadeyan kiye merga guru loro kiye

gole ninggal tas neng ruang guru sing suwung lan ora dekunci pisan lawange.

Wis, pokoke siki kedadeyan kiye esih deslidiki neng Polsek Kedungbanteng, lan

merga kedadeyan kiye, guru loro kuwe nandhang rugi ngasi wolulas juta. Kuwe

sedulur, mbok wis boal-bali decritani bab wong kemalingan, esih baen gemampang

gole ngglethakaken barang ora mawi dejagani, ya malah ilang deusung gentho.

Mulane, mbesuk maning nek duwe barang kuwe dejagani temenanan, aja gemampang

debrukaken sekepenake, apamaning ora dekunci lawange. Nek wis kedadeyan kaya

kiye sing rugi lan ngajog mbok awake dhewek?

Easy Way to Download

Tukang Negor Wit, Malah Mati Kambrukan Wit

SOMAGEDE-Sing arane wong apes kuwe pancen langka padhane. Wong sing wis pengalaman nek ora ngati-ati ya teyeng cilaka merga kodeane. Lha kiye sing arep dadi crita geger mower dina kiye sedulur. Kiye ya kena nggo pengalaman, sing padha ngodhe kuwe tetep kudu ngati-ati, wis pengalaman soten nek agi apes tur ora ngati-ati ya tetep baen teyeng cilaka.

Lha crita kiye anane neng Desa Kemawi Grumbul Wagir RT 03 RW 04 Kecamatan Somagede, pas dina Minggu (9/9) wingenane. Neng daerah Kemawi kono, pancen panggonane wong sing kodeane negor wit-witan, soale akeh pisan alas sing detanduri wit kaya bangsane Kalba, Pines lan wit gedhe liyane.

Nah, pas dina kuwe antarane jam rolas awanan, ana wongsing kodeane negor wit jenengane Sanam (51), sing umaeh neng Desa Kemawi RT 04 RW 05 Kecamatan Somagede. Awan kuwe, si Sanam kiye agi ngodhe negor wit KAlba kaya biasane bareng karo kancane sing jenengane Giman (42) kambi Parjan (45). Pas kuwe, si Giman kambi Parjan kuwe sing negor, lha si Sanam kiye sing narik wit nganggo tali kon gelem derubuhaken.

Kiye ora kaya biasane, nek wong narik wit kon rubuh kuwe ya kudune pas wite arep rubuh ya aja neng ngisor wit, iya mbok? Lha si Sanam kiye mbuh kepriwe ko pas narik wit nganggo tali ko ya ora mingser sekang ngisor wit. Akhire ya wit sing detarik si Sanam kiye langsung baen ngebruki Sanam, ngasi sikile tugel lan sekang kupinge kemlocor getih.

Si Giman kambi Parjan sing meruhi kedadeyan kuwe banjur gageyan nulungi si Sanam. Tapine ya jenengane wongketiban wit gedhe pisan, pas detulungi, si Sanam kiye wis langka ambegane. Kedadeyan kiye banjur delapuraken maring Polsek Somagede, lan Pulisi bareng kambi dokter sekang puskesmas ya langsung teka maring panggonan kuwe.

Nek ujare Kapolsek Somagede AKP Sigit Ari Wibowo, SH, pas depriksa, pancen si Sanam kiye tatune bangeting parah ora memper. "Pas kuwe pancen si Sanam kiye tatune jan bangeting parah, sikil tengene semplek, lan sekang kupinge kemlocor getih," ujare Pak Kapolsek. Kayane nek ujare Pak Kapolsek, si Sanam kiye matine ya merga ora ngati-ati pas narik wit sing arep derubuhaken.

Wis, barang wis ngerti kenangapa si Sanam kiye mati, banjur mayide Sanam debalekaken maring kluargane nggo dekuburaken. Kuwe sedulur, padahal sing jenengane Sanam kiye ya saben dinane kuwe kodeane ya negori wit, tapine malah mati merga kambrukan wit, kayane pancen ora memper, tapi lha wong kedadeyan. Mulane, sing padha ngodhe kuwe ya ngati-ati, aja gemampang. Wong sing gemampang pas ngodhe kuwe teyeng cilaka, lha nek kedadeyane kaya sing dealami si Sanam kiye kepriwe jal? Mbok ngajog pisan? (eww) 

Easy Way to Download