PATIKRAJA-Kiye ana maning sedulur, critane
wong sing jan nek lagi puyeng utawane mumet,
udu merek maring Gusthi Allah sing teyeng
nulungi, malah milih ngobong awake dhewek ngasi
mati. Wis, pokoke ora memper pisan.
Kedadeyane nembe dina Minggu (2/9) wingenane,
anatarane jam sanga wengi. Critane ana wong
sing jenengane Sugino (34), sing umaeh neng Desa
Patikraja RT 04 RW 01 Kecamatan Patikraja.
Si Sugino kiye, kayane pancen lagi abot banget
pikirane, merga dheweke kuwe agi areppegatan
kambi bojone.
Nek miturut critane mbekayu ipene si Sugino
kiye, sing jenengane Ening, si Sugino kiye pancen
wis ana semingguan kiye mandan bingung.
Masalaeh, dheweke kambi bojone kuwe gi arep
pegatan, lan ngesuk (dina kiye-red) sidhang
pegatane dheweke kuwe arep mulai maning neng
pengadilan. "Ngesuk kuwe pancen ana
sidhang keloro soal pegatane Sugino kambi bojone, ya kuwe mbok sing marakaken
setres lan bingung keliwat," ujare Ening.
Nek ujare Tukirman, tanggane Sugino, dheweke
weruh Sugino kiye ya biasa baen, kayane langka apa-apa, mulane si Tukirman kiye
jan ora nyana babar pisan nek Sugino kiye nekad nglakoni kuwe. "Ya pancen
si Sugino kiye agi pegatan kambi bojone, tapi ya aku ora nyana nek bakal
kedadeyan kaya kiye," ujare Tukirman.
Lha, pas dina Minggu wingenane, si Sugino kuwe
sing aben dinane uripe bareng kambi biyunge
sing jenengane Rakiwen (70), kuwe polah sing
jan ora memper pisan, ngobong awake ngasi mati, nganggo bensin lan suluh. Sing pertama
menangi kedadeyan kiye ya biyunge dhewek. Pas kuwe, si Rakiwen kiye weruh ana
geni wis mulad-mulad sekang kamare si Sugino.
Weruh kaya kuwe, Rakiwen ya banjur
ngorong-ngorong, nyeluki tangga-tangane, lan si Rakiwen
kiye ndarani ana kobaran. Tangga-tanggane sing
krungu Rakiwen ngorong-ngorong ya gageyan
merek, lan njajal nulungi. Tapine, barang
kamare Sugino kiye debukak, wong padha njimprak
kaget kabehan, merga sing kobaran udu kamare,
tapi malah si Sugino.
Wis, gagyena baen padha nulungi, nyiram kambi
apa sing ana, kon genine gelis mati. Pancen sih,
genine mati ora suwe, paling ya sepuluh
menitan, tapine merga nganggo bensin, si Sugino kuwe ya wis geseng lan ora nana
nyawane maning.
Pulisi sing teka maring ngonoh ora suwe sawise
kedadeyan gageyan mriksa mayide si Sugino kiye lan akhire ya miturut kasil
priksaan, si Sugino kiye matine ya merga kobong kuwe, lan tatune wis parah
pisan, merga gole ngobong nganggo bensin.
Nek ujare Kapolsek Patikraja AKP Supriyanto,
sing melu teka ming umaeh Rakiwen kiye, si
Sugino kiye pancen bingung keliwat, ngasi
akhire malah ngobong awake dhewek. "Sedurunge
kedadeyan kiye, nek miturut critane kluargane,
si Sugino kiye kayane nekad ngobong awake
dhewek merga bingung keliwat," ujare Pak
Supriyanto.
Sawise depriksa pulisi,
mayide Sugino kiye banjur debalekaken maring kluargane nggo
No comments:
Post a Comment